Styrkir úr þróunarsjóði innflytjendamála

Félags- og vinnumarkaðsráðuneytið og innflytjendaráð auglýsa eftir umsóknum um styrki úr þróunarsjóði innflytjendamála.

Hlutverk sjóðsins er að styðja þróunarverkefni og efla rannsóknir á sviði málefna innflytjenda með það að markmiði að auðvelda gagnkvæma aðlögun innflytjenda og íslensks samfélags.

Við val verkefna sem hljóta styrk úr þróunarsjóði innflytjendamála árið 2024 verður áhersla lögð á verkefni sem efla lýðræðislega þátttöku, vinna gegn fordómum og efla færni í notkun íslensku í samskiptum.

Óskað er eftir umsóknum um verkefni sem ná til:

• Vinnu gegn fordómum, haturstjáningu, ofbeldi og margþættri mismunun.
• Virkar notkunar tungumáls í gegnum félagslega viðburði til stuðnings við hefðbundið tungumálanám. Áhersla er lögð á verkefni fyrir ungmenni á framhaldsskólaaldri og fyrir fullorðið fólk.
• Þátttöku innflytjenda og innlendra á jafningjagrunni, m.a. með því að stuðla að virkri lýðræðisþátttöku jafnt í félagasamtökum sem og stjórnmálum.

Félags- og hagsmunasamtök innflytjenda eru sérstaklega hvött til þess að sækja um.

Umsóknarfrestur er til og með 1. desember 2024.

Sækja skal um á rafrænu formi á umsóknarvef Stjórnarráðsins.

Frekari upplýsingar fást í félags- og vinnumarkaðsráðuneytinu í síma 545 8100 og með tölvupósti á netfangið frn@frn.is.

Hér má finna upprunalegu fréttatilkynninguna frá ráðuneytinu um málið.