Sveitarstjórnarkosningar 2026 verða laugardaginn 16. maí næstkomandi. Í sveitarstjórnarkosningum byggir kosningarréttur á lögheimili og gildir í því sveitarfélagi þar sem einstaklingur er skráður með lögheimili. Frekari upplýsingar um kosningarrétt, hvar eigi að kjósa og fleira má finna á vef island.is https://island.is/v/sveitarstjornarkosningar-2026

Allir íbúar af erlendum uppruna sem eru 18 ára eða eldri á kjördag og hafa verið með lögheimili á Íslandi samfellt í 3 ár geta kosið í sveitarstjórnarkosningunum 16. maí. Fylgist með daglegum myndböndum og upplýsingum hér (1) Facebook

RÚV ORÐ er nýr vefur þar sem fólk getur nýtt sjónvarpsefni til að læra íslensku. Eitt af markmiðum með vefnum er að auðvelda aðgengi innflytjenda að íslensku samfélagi og þannig stuðla að meiri og betri inngildinu. Á þessum vef er hægt að velja sjónvarpsefni RÚV og tengja það við tíu tungumál, ensku, frönsku, þýsku, lettnesku, litáísku, pólsku, rúmensku, spænsku, taílensku og úkraínsku.

Kunnátta í íslensku hjálpar innflytjendum að aðlagast samfélaginu og eykur atvinnumöguleika. Flestir innflytjendur á Íslandi eiga rétt á stuðningi til að fjármagna íslenskukennslu, til dæmis með námsstyrk frá stéttarfélagi, styrk frá Vinnumálastofnun fyrir atvinnuleitendur eða í gegnum félagsþjónustu fyrir þá sem þiggja fjárhagsaðstoð. Ef þú ert ekki í vinnu skaltu hafa samband við félagsþjónustuna eða Vinnumálastofnun til að kanna hvernig þú getur fengið aðstoð til að læra íslensku.

Okkar markmið er að gera hverjum einstaklingi kleift að verða virkur meðlimur í íslensku samfélagi, sama hver bakgrunnur hans er og hvaðan hann kemur. Á þessu vefsvæði eru veittar upplýsingar um ýmsa þætti daglegs lífs, stjórnsýslu á Íslandi, um flutning til og frá Íslandi og margt fleira.

Hér má finna allskyns útgefið efni frá Fjölmenningardeild Vinnumálastofnunar. Notið efnisyfirlitið til að sjá hvað er í boði.