Um okkur
Markmið Fjölmenningardeildar Vinnumálastofnunar (MCC) er að gera hverjum einstaklingi kleift að verða virkur meðlimur í íslensku samfélagi, sama hver bakgrunnur hans er og hvaðan hann kemur.
Á þessu vefsvæði eru veittar upplýsingar um ýmsa þætti daglegs lífs, stjórnsýslu á Íslandi, um flutning til og frá Íslandi og margt fleira.
Hlutverk Fjölmenningardeildar Vinnumálastofnunar
MCC veitir einstaklingum, félögum, fyrirtækjum og íslenskum stjórnvöldum stuðning, ráðgjöf og upplýsingar í tengslum við málefni innflytjenda og flóttamanna á Íslandi.
Hlutverk MCC er að greiða fyrir innbyrðis samskiptum fólks af ólíkum uppruna og efla þjónustu við innflytjendur sem búa á Íslandi.
- Að veita stjórnvöldum, stofnunum, fyrirtækjum, félögum og einstaklingum ráðgjöf og upplýsingar í tengslum við málefni innflytjenda.
- Ráðleggja sveitarfélögum við að taka á móti innflytjendum sem flytja til sveitarfélagsins.
- Að upplýsa innflytjendur um réttindi sín og skyldur.
- Fylgjast með þróun innflytjendamála í samfélaginu, þar með talið upplýsingaöflun, greiningu og miðlun upplýsinga.
- Að leggja fyrir ráðherra, útlendingaráð og önnur stjórnvöld ábendingar og tillögur um aðgerðir sem miða að því að gera öllum einstaklingum kleift að vera virkir þátttakendur í samfélaginu, óháð þjóðerni eða uppruna.
- Gera árlega skýrslu til ráðherra um málefni innflytjenda.
- Fylgjast með framvindu verkefna sem fram koma í þingsályktun um framkvæmdaáætlun í innflytjendamálum.
- Vinna að öðrum verkefnum í samræmi við markmið laganna og þingsályktunartillögu um framkvæmdaáætlun í innflytjendamálum og einnig í samræmi við nánari ákvörðun ráðherra.
Athugið: Þann 1. apríl, 2023, sameinaðist Fjölmenningarsetur Vinnumálastofnun. Fjölmenningarsetur varð að nýrri deild innan stofnunarinnar sem kallast Fjölmenningardeild Vinnumálastofnunar. Lög um málefni innflytjenda hafa verið uppfærð og endurspegla nú þessar breytingar.
Ráðgjafaþjónusta
Fjölmenningardeild Vinnumálastofnunar rekur ráðgjafaþjónustu með það hlutverk að aðstoða þig. Þjónustan er gjaldfrjáls og fyllsta trúnaðar er gætt. Ráðgjafar okkar tala íslensku, ensku, pólsku, úkraínsku, spænsku, arabísku, ítölsku, frönsku, þýsku og rússnesku.
Símanúmer og opnunartími
Hægt er að óska eftir upplýsingum og aðstoð með því að hringja í (+354) 450-3090.
Símatími ráðgjafaþjónusta fjölmenningardeildar Vinnumálastofnunar er opin mánudaga til fimmtudaga kl. 13-15.
Opnunartími í móttöku á Grensásvegi 9 og Árnagötu 2-4 (Ísafirði) er mánudaga til fimmtudaga kl. 9-11.
Heimilisfang
Fjölmenningardeild Vinnumálastofnunar
Grensásvegur 9
108 Reykjavík
ID number: 700594-2039