Tannlækningar
Tannlæknaþjónusta er börnum að kostnaðarlausu til 18 ára aldurs. Tannlæknaþjónusta er ekki ókeypis fyrir fullorðna.
Ef þú finnur fyrir óþægindum, verkjum eða telur þig þurfa tafarlausa tannlæknaþjónustu getur þú leitað til bráðamóttöku tannlæknaþjónustu í Reykjavík sem heitir Tannlæknavaktin.
Um tannvernd barna (PDF).
Tannlækningar fyrir börn
Tannlækningar fyrir börn eru greiddar að fullu af Sjúkratryggingum Íslands fyrir utan 2.500 kr árgjald sem greiðist við fyrstu heimsókn til heimilistannlæknis ár hvert.
Það er skilyrði fyrir greiðsluframlagi frá Sjúkratryggingum Íslands að barnið sé skráð hjá heimilistannlækni. Foreldrar og forráðamenn geta skráð börn sín í réttindagáttina og geta þar valið tannlækni af lista yfir skráða tannlækna.
Aldraðir og fólk með fötlun
Sjúkratryggingar taka þátt í greiðslu á tannlækningum fyrir lífeyrisþega, en til þeirra teljast aldraðir, öryrkjar og einstaklingar sem fá endurhæfingarlífeyri.
Sjúkratryggingar greiða helming kostnaðar fyrir almennar tannlækningar fyrir aldraða og fatlað fólk. Sérreglur gilda um ákveðnar tannlækningar. Einnig greiða Sjúkratryggingar almennar tannlækningar að fullu fyrir eldri borgara og fólk með fötlun sem er langveikt og dvelur á sjúkrahúsum, hjúkrunarheimilum eða hjúkrunarrýmum á öldrunarstofnunum.
Tannlækningar
Hér að ofan er dæmi um eitt af þeim fjölmörgu myndböndum sem embætti Landlæknis hefur gefið út um tannhirðu og tannvernd. Fleiri myndbönd má finna hér.
Gagnlegir hlekkir
- Tannlæknavaktin
- Finndu tannlækni
- Tannhirða barna
- Réttindagátt Sjúkratrygginga
- Sjúkratryggingar Íslands
- Finna næstu heilsugæslustöð
- Tannvernd - Myndbönd frá Landlæknisembættinu
Tannlækningar eru börnum að kostnaðarlausu til 18 ára aldurs.