Að missa ástvin

• Andlát skal tilkynnt til sýslumanns eins fljótt og auðið er.
• Læknir hins látna skoðar líkið og skrifar dánarvottorð.
• Næst hafa aðstandendur samband við prest, fulltrúa trúfélags/lífsskoðunarfélags eða útfararstjóra sem leiðbeinir þeim varðandi næstu skref.
• Dánarvottorð er tilkynning um andlát einstaklings. Á vottorðinu er tiltekinn dánardagur og dánarstaður auk hjúskaparstöðu við andlát. Vottorðið er gefið út af Þjóðskrá Íslands.
• Dánarvottorð fæst á sjúkrahúsi þar sem hinn látni lést eða hjá lækni sem annast hefur hinn látna, og er afhent maka eða öðrum nánum aðstandanda.

• Útfararstofur geta séð um flutning á líki frá einum landshluta til annars.
• Ef flytja á látinn einstakling úr landi ber nánustu aðstandendum að leggja dánarvottorð til sýslumanns í því lögsagnarumdæmi sem viðkomandi lést.

• Látið aðra fjölskyldumeðlimi og vini vita af andlátinu eins fljótt og auðið er.
• Virðið óskir hins látna, ef einhverjar eru, varðandi útförina og hafðu samband við prest, fulltrúa trúfélags/lífsskoðunarfélags útfararstjóra til að fá frekari upplýsingar og leiðbeiningar.
• Dánarvottorð skal sækja hjá spítala eða lækni og skilað til sýslumanns sem veitir skriflega staðfestingu. Þessi staðfesting er nauðsynleg svo hægt sé að halda útför.
• Hafið í huga að þið gætuð átt rétt á útfararbótum frá sveitarfélagi, tryggingarfélagi eða verkalýðsfélagi hins látna.
• Hafið samband við fjölmiðla með góðum fyrirvara ef auglýsa á útförina opinberlega.

Sorgarmiðstöð er samstarfsverkefni  grasrótarfélaga á sviði sorgarúrvinnslu. Miðstöðin sinnir fræðslu og ráðgjöf til syrgjenda og þeirra sem vinna að velferð syrgjenda.

Þar er boðið upp á ýmis konar samkomur og þjónustu fyrir þá sem hafa misst ástvin.